Gidrometeorologiya xizmat markazining xabar berishicha, ertaga O‘zbekiston bo‘ylab havo harorati o‘zgarib turadi.

Quyida 28 iyul kunining ob-havo ma’lumoti bilan tanishing.

Ertaga Toshkentda havo bulutli bo‘lishi kutilmoqda. Harorat kunduzi +40... +42, kechasi esa +25... +27 daraja bo‘ladi. Shamol sharqdan soniyasiga 7-12 metr tezlikda esadi.

Farg‘ona, Namangan va Andijonda kunduzi harorat +35... +40, kechasi esa +20... +25 darajada bo‘lishi kutilmoqda. Sharqdan esgan shamol tezligi 3-8 metr soniyani tashkil etadi.

Samarqand, Jizzax va Sirdaryoda havo o‘zgarib turadi. Harorat kunduzi +37... +42, kechasi esa +22... +27 daraja bo‘lib, shamol sharqdan soniyasiga 3-8 metr tezlikda esadi.

Qoraqalpog‘iston Respublikasi va Xorazm viloyatida havo bulutli bo‘lib, harorat kunduzi +39... +44, kechasi +24... +29 darajani tashkil etadi. Shamol sharqdan soniyasiga 3-8 metr tezlikda esishi kutilmoqda.

Buxoro va Navoiy viloyatlarida ham havo bulutli bo‘ladi. Havo harorati kunduzi +39... +44, kechasi +24... +29 daraja tashkil etib, shamol sharqdan soniyasiga 3-8 metr tezlikda esadi.

Qashqadaryo va Surxondaryo viloyatlarida ham havo o‘zgarib turadi. Havo harorati kunduzi +37... +42 daraja, kechasi esa +22... +27 darajaga ko‘tarilishi kutilmoqda. Shamol sharqdan soniyasiga 3-8 metr tezlikda esadi.