Kecha Bishkeklik otaning qor ustida yiqilib yotgan o‘z farzandini tepkilayotgani to‘g‘risida xabar bergan edik. Bishkek shahar Oktabr tuman sudi videolavhada tasvirlangan, ikki yoshli farzandini tepkilayotgan zo‘ravon ota Barier Adievning ikki oylik muddatga qamoqqa olinishiga sanksiya berdi. O‘tgan dam olish kunlari internet tarmog‘ida, yerda yotgan farzandini tepkilayotgan otaning xatti-harakati tasvirga tushirilgan videorolik keng tarqalgan edi. Keyinchalik bu shaxs – bolaning otasi, 1967 yilda tug‘ilgan va ayni vaqtda Davlat ro‘yxatiga olish xizmati Sokuluk tuman boshlig‘i o‘rinbosari lavozimida ishlayotgan Barier Adiev ekanligi aniqlangan. Hozirgi vaqtda Barier Adiev hibsga olingan unga nisbatan jinoiy ish qo‘zg‘atilgan. Avvalroq, Toshkentda sobiq ichki ishlar xodimi o‘zining 4 yoshli qizchasini kaltaklagani va ushbu voqea ijtimoiy tarmoqlarda kenga tarqalgani to‘g‘risida ham xabar bergan edik.
Bolasini tepkilagan zo‘ravon ota hibsga olindi 
