Bitkoin 2018 yilni pasayish bilan boshlagan edi. “CoinMarketCap” ma’lumotlariga ko‘ra bitkoin kursi bir sutka ichida 13,70 foiz tushib ketdi.

Portal axborotlariga ko‘ra, soat 05:40 da kriptovalyuta 4329 AQSh dollaridan 3837 dollarga arzonlashgan. Bitkoin kursi 2017 yil sentyabridan beri birinchi bor 4000 AQSh dollaridan pastga tushdi.

Hafta boshida Bitkoin kursi 13 oy ichida birinchi marta besh ming dollardan past bo‘ldi. Bundan oldin sakkiz kun ketma-ket pasayish kuzatilgan edi, bu uning o‘n yillik tarixidagi rekord ko‘rsatgich bo‘ldi.

Ma’lumot uchun, bitkoin – hisoblash qurilmalari yordamida “maynit” qilinadigan “blokcheyn” texnologiyasi asosidagi markazlashmagan kriptovalyuta tizimi.

“CoinMarketCap” servisi har bir mavjud bo‘lgan kriptovalyutani o‘rtacha narxi va moliyalashganligi haqida bilishga imkon beradi. Bitkoinning dollarga nisbatan bozor narxini hisoblashda agregator yigirmadan ziyod birja ma’lumotlarini hisoblaydi.

Ayyub Mustafo