Rossiya Federatsiyasi bo‘ylab gastrol safariga yo‘l olgan Sarvar va Komil muxlislarini navbatdagi sovg‘asi bilan xushnud qildi. Avvalgi yangiliklarimizda aytib o‘tganimizdek, ular an’analariga sodiq qolgan holda yangi “Chunki bu biz” nomli trilogiyaga qo‘l urishdi. 1 fevral kuni esa ushbu trilogiyaning birinchi qismi uchun yozilgan taronaning premerasi bo‘lib o‘tdi. “Eslamading” deb nomlangan mazkur qo‘shiq uchun klip ham suratga olingan. Videoklip namoyishi esa fevral oyining o‘rtasida namoyish etilishi rejalashtirilgan.

Qo‘shiq mualliflari Sarvar va Komil. Musiqiy asar premera loyihalarining o‘zidayoq tinglovchilar qalbini zabt etdi. Qisqa fursatda esa xit va eng talabgor taronalar qatorida bo‘lishiga shubhamiz yo‘q.