"Барселона”нинг собиқ бош мураббийи Тито Виланова оғир хасталикдан сўнг 45 ёшида оламдан кўз юмди.

Виланова икки йил давомида ошқозон саратони билан курашиб келди. Ушбу хасталик туфайли у "Барселона” клубидан кетишга мажбур бўлганди.

Бугун у аҳволи оғирлашиб касалхонага келтирилган ва операция қилинганди. Афсуски, бу операциядан кейин у ўзига келмай оламдан кўз юмди.

"Барселона» бош мураббийлигида Виланова Испания чемпионатида 2012/13 йилги мавсумда ғалаба қозонганди. У ўшанда жамоа билан Ла лигада рекорд ҳисобланган 100 очко жамғаришга муваффақ бўлганди.