Ana bo‘lmasa! Rossiya vaksinasining nojo‘ya ta’sirlari e’lon qilindi
Rossiya tomonidan koronavirusga qarshi yaratilgan vaksinaning keng ko‘lamli sinovlari keyingi xafta boshlanadi. Bu haqda To‘g‘ridan-to‘g‘ri investisiyalar jamg‘armasi rahbari Kirill Dmitriev ma’lum qildi. Uning so‘zlariga ko‘ra, sinovlarda 40 mingdan ortiq kishi ishtirok etadi. «Sputnik V» vaksinasini ishlab chiquvchi Gamaley nomidagi Markaz undan foydalanish bo‘yicha ko‘rsatmalarni e’lon qildi. Hujjatga ko‘ra, vositani qo‘llashdan keyin paydo bo‘ladigan asosiy yon ta’sirlar qatorida titroq, isitma, bosh og‘rig‘i, ishtahaning pasayishi va limfa tugunlarining ko‘payishi bo‘lishi mumkin. Ba’zi bemorlarda allergik reaksiyalar rivojlanadi. Yuqori sezuvchanlik, homiladorlik va emizish davrida jiddiy allergik reaksiyalar, shuningdek 18 yoshgacha bo‘lganlarga vaksinadan foydalanish hozircha mumkin emas. Mutaxassislarning aytishicha, vaksinaning har bir sinov naychasi QR kodi bilan jihozlangan. Ushbu vositani qo‘lga kiritgan har bir odam ma’lum bir dasturni yuklab olishi kerak bo‘ladi. Bu degani bemor haqidagi ma’lumot, uni vaksinadan foydalangani, hamda boshqa ma’lumotlar tegishli idoralarda tahlil qilinadi.
Ana bo‘lmasa! Rossiya vaksinasining nojo‘ya ta’sirlari e’lon qilindi 
