Aktrisa Shaxzoda Muhammedovaning yuziga tarsaki tushirishdi
Dunyoga mashhur "yulduz"lardan biri aytgan ekan: "Menga shov-shuv va reklamalar kerak emas. Mening turgan-bitganim shov-shuv" Bu gaplarni aktrisa Shahzoda Muhammedovaga nisbatan ham ishlatish mumkin.
Biroz avval aktrisaning Azamat Ahrorov tomonidan suratga olinayotgan "Notanish qotil" filmida suratga tushayotgani haqida xabar bergan edik. Ma’lumotlarga qaraganda, filmni suratga olish ishlari yakuniga yetgan. Ovozlashtirish jarayonlaridan avval Shahzoda Muhammedova kinofilmning ayrim lavhalarini Instgaram'dagi shaxsiy sahifasiga joylashtirdi. Undagi lavhalarning birida aktrisaning otasi rolini ijro etayotgan aktyor uning yuziga tarsaki tushiradi. Shahzodaning yuz-ko‘zidan tarsaki zarbi anchagina oqriqligi bo‘lganini payqash qiyin emas. Darvoqe, ijtimoiy tarmoqlardagi bu video allaqachon Telegram, WhatsApp kabi messenjerlarda tarqalishga ham ulgurdi. Bilmaganlar orasida Shahzoda Muhammedovani qaerdadir do‘pposlashibdi, degan gaplar tarqaldi.
Yaqindagina "Notanish qotil" filmining rejissyori Azamat Ahrorov aktrisa Shahzoda Muhammedovaning qo‘lini so‘ragani haqida xabar bergan edik. Ma’lumotlarga qaraganda, Shahzoda yigit sho‘rlikka hali ham aniq javobni aytmagan. Balki u san’at olamidagi ko‘plab aktrisalarning turmushiga putur yetavergani sabab bu masalada yetti o‘lchab, bir kesayotgandir...
Aktrisa Shaxzoda Muhammedovaning yuziga tarsaki tushirishdi 
