20 oktabr, juma kuni kutilayotgan ob-havo ma’lumotini e’tiboringizga havola etamiz.

Ertaga Toshkent shahrida havo o‘zgarib turadi. Havo harorati kunduzi 18–20 daraja, kechasi 3–5 daraja iliq bo‘ladi. Yaqin kunlarda O‘zbekistonda yog‘ingarchilik kuzatilmaydi.

Qoraqalpog‘iston Respublikasi hamda Xorazm, Buxoro, Navoiy, Samarqand, Jizzax, Sirdaryo viloyatlarida ham havo biroz bulutli bo‘ladi. Harorat kunduzi 15–20 daraja, kechasi 3–8 daraja iliq bo‘lishi kutilmoqda.

Qashqadaryo va Surxondaryo viloyatlarida harorat kunduzi 22 darajagacha ko‘tariladi. Kechasi esa 5–10 daraja iliq bo‘ladi.

Farg‘ona vodiysida havo o‘zgarib turadi. Havo harorati kunduzi 12–17 daraja, kechasi 3–8 daraja iliq bo‘ladi.

Durdona Rasulova