Yik-otada Cobalt ishtirokida katta avariya yuz berdi, haydovchi halok bo‘lgani aytilmoqda
Toshkent viloyatining Yik-ota qo‘rg‘oni yaqinida Cobalt avtomobili ishtirokida yo‘l-transport hodisasi yuz berdi. Bu haqda Facebook’dagi “Voditeli Tashkenta” guruhida fotoxabar qoldirilgan.
Avariya aynan qanday yuz bergani, Cobalt qanday qilib nosoz ahvolga kelgani haqida aniq axborot yo‘q.
Avtomobil ichida bo‘lganlarning omon qolgani haqida ham aniq axborot yo‘q. Fotoxabar muallifi haydovchi tirik qolgani haqida yozgan, biroq hodisa guvohlaridan biri oxir-oqibat haydovchining joni uzilganini yozib o‘tgan.
Mazkur hodisa yuzasidan tegishli organlar hozircha rasmiy bayonot bergan emas.