Ma’lumki, Ummon guruhining solisti Zohid guruhni tark etdi. Ammo guruh o‘z faoliyatini to‘xtatmadi. Ummon guruhi ikki kishilik tarkibda ya’ni Shoxrux va Jasur birgalikda ijod qilishadi. Sir emaski, Zohidsiz guruh faoliyati qanday va qay tartibda davom etishi ko‘pchilikka qiziq. Hattoki, bu borada hali hamon ijtimoiy tarmoqlarda baxs-munozaralarga duch kelamiz. Ummon guruhi allaqachon yangi g‘oyalar va loyihalar ustida ishlashni boshlab yuborishdi. Ayni damda Ummon guruhining ikki kishilik tarkibidan ilk qo‘shiq yozib tugallandi. Tarona nomi "Yig‘lama yurak" deb nomlanadi. Guruh solisti Shoxruxning bergan ma’lumotlariga qaraganda, ushbu musiqiy asar Shahboz Nosirjonov so‘zi, Jasur Badalboyev musiqasi bilan yozilgan. Qo‘shiq premerasi sentabr oyida bo‘lib o‘tishi rejalashtirilgan. Bu hali hammasi emas. Guruh ijodkorlari tayyorlayotgan barcha yangiliklar oldinda. Albatta tez orada ketma-ket hammasiga o‘zingiz guvohi bo‘lasiz va baho berasiz.