Ucell mobil aloqa operatorining rasmiy saytida joylashtirilgan reklama bannerida yana imloviy xatolarga yo‘l qo‘yilgani qayd etildi. Bu haqda Facebook’dagi “Professional va havaskor tarjimonlar” guruhi a’zolari ma’lum qilgan.
Keltirilgan skrinshotda Ucell saytidagi “Bonuslarni ko‘paytiring” aksiyasi reklamasida “tasavvur” so‘zi “tassavur”, “zahoti” so‘zi “zohoti” ko‘rinishida berilgani aks etgan. Ushbu xatolar tezlik bilan to‘g‘rilab qo‘yilgan.
Eslatib o‘tamiz, avvalroq Ucell’ning Toshkentdagi JobFair-2015 ko‘rgazmasi uchun chiqarilgan reklama materiallarida “olmadingizmi” so‘zi “o‘lmadingizmi” ko‘rinishida berilgani xabar qilingan edi. Keyinroq kompaniya ushbu xato uchun uzr so‘ragan.
Ucell reklamasidagi yana bir xato to‘g‘rilandi 
