Toshkent shahar hokimligi joriy yil 10 maydan barcha turdagi transport vositalari harakati cheklangan ko‘chalarni aylanib o‘tish uchun jamoat transportining harakat yo‘nalishlariga vaqtinchalik o‘zgartirishlar kiritilishini ma’lum qildi.
O‘zbekiston Respublikasi Prezidentining 2017 yil 19 maydagi “Toshkent shahrida ikki yo‘llik elektrlashtirilgan tezyurar temir yo‘lini qurish” loyihasini amalga oshirish chora tadbirlari to‘g‘risida”gi qarori qabul qilindi
Ushbu qaror ijrosini ta’minlash maqsadida Toshkent shahar hokimligi amalga oshirilayotgan temir yo‘l qurilish montaj ishlarini bajarishda yuzaga keladigan vaqtinchalik noqulayliklar uchun yo‘l harakati ishtirokchilaridan uzr so‘ragan.
Shuningdek, xabarda quyidagilar ta’kidlangan:
“O‘ylaymizki, hurmatli hamshaharlar yo‘llarda haydovchi va yo‘lovchilar xavfsizligini ta’minlash, ularga qulayliklar yaratish maqsadida olib borilayotgan bunyodkorlik ishlari jarayonidagi ushbu vaqtinchalik noqulayliklarni to‘g‘ri tushunadilar.”
Ma’lumot o‘rnida, Toshkent shahar hokimligi Yashnobod tumani Qorasuv ko‘chasidan 2-Qorasuv va Elbek ko‘chalari bo‘ylab Do‘stlik metro bekatigacha bo‘lgan hududda “O‘zbekiston temir yo‘llari” AJga yer usti temir yo‘l qurilish montaj ishlarini bajarishi yuzasidan, 2018 yil 10 may kunidan 2019 yil 31 yanvarga qadar barcha turdagi transport vositalari harakati vaqtinchalik cheklanishini bildirgan.
Toshkentda ayrim ko‘chalar uzoq muddatga yopiladi 
