“Titanik” filmini sevib tomosha qilmagan biror kishi bo‘lmasa kerak. Buni qarangki, mazkur film ekran yuzini ko‘rganiga 20 yil bo‘ldi. Ammo kino muxlislarida hanuz “Titanik” haqida fikr-mulohazalar, savollar bisyor.

Tomoshabinlar orasida eng ko‘p berilayotgan savol: “Nima uchun film so‘nggida Keyt Uinslet Jekni qutqarishga harakat qilmadi?”.

Endilikda mazkur savolga javob topish mumkin. Shu kunlarda rejissyor Jeyms Kemeron `National Geographic` kanali bilan hamkorlikda “Titanik” haqida suratga olinayotgan hujjatli film ustida ishlamoqda.

“Men filmni suratga olayotganimda har bir detal haqiqatga yaqin bo‘lishini istagandim, ayniqsa, film so‘nggi”, deydi rejissyor. Uning aytishicha, u haqiqatni tiriltira olgan. “Ammo hammasi to‘g‘rimikan? `National Geographic` bilan birga men o‘z ishimga yana bir nazar solishga muvaffaq bo‘laman ”, deb ta’kidladi Kemeron.

Nigina Hakimova