Maftunkor va betakror ovoz sohibasi Shahzoda ijodidan o’rin olgan «Shunchaki» nomli taronani ilk bor uning yakkaxon konsert dasturiga tashrif buyurgan muxlislar tinglab, bahramand bo’lishgan edi. Mana bugungi kunda mazkur tarona uchun maxsus klip ham suratga tushirilmoqda.
Sevgi-muhabbat mavzusida kuylangan, Minglab muxlislar ortirgan «Shunchaki» taronasi uchun shunga mos ravishda klip suratga tushirildi. 3 kun davom etgan suratga olish ishlari Toshkent shahri va viloyatida bo’lib o’tdi. Klip rejissori Akrom Shohnazarovni siz «Yurak yig’lar» filmi orqali yaxshi taniysiz. Klipga operatorlik vazifasini Behzod Po’latov bajardi.
Videoklipning ssenariysiga ko’ra klipda bugungi kun yoshlarining hayoti aks etadi. Klip chuqur falsafiy ma’noga ega bo’lib, unda tarbiyaviy ahamiyatga ham e’tibor qaratilgan. Klipning trek qismi elektrpoezdda suratga olindi.
Tez kunda Shahzodadan yangi klip! 
