Maftunkor Shahzoda yaqindagina "Men o‘sha" taronasi bilan xalqimizni quvontirgandi. Qisqa fursatda muxlislar orasida ommalashib, tinglovchilar qalbini zabt etgan bu qo‘shiq uchun videoklip suratga olindi. "Men o‘sha" klipi, xonandaning "Shunchaki" klipining davomi sifatida yaratilmoqda. "Shoxona Creative Group" tomonidan tasvirga tushirilayotgan video asar rejissyorlari Sarvar Azimov va Komil Fozilov. Klip trek va syujetdan iborat. Unda bosh rollarni Jamshid Isaxo‘jaev va Ziyoda Xudoyqulova ijro qilmoqda.

Liboslar bo‘yicha rassom Hilola Sher, stilist - vizajist Renata Iskandarova. S’yomka jarayonlari poytaxtimizning turli go‘shalarida bo‘lib o‘tdi. Klip premera oktabr oyining so‘ngida bo‘lib o‘tishi rejalashtirilgan. Eslatib o‘tamiz, "Men o‘sha" qo‘shig‘i Sarvar va Komil bilan hamkorlikda yozilgan.