Kino sohasida Lolaning tashrif qog‘oziga aylangan "Sevinch” filmi haligacha tomoshabinlar qalbida muqim joy egallab kelmoqda.

Bobur Yo‘ldoshev va Lolaning kartinadagi qahramonlari ularni hayotda yaqinlashtirdi. Nahotki ular hamon birga? Taqdir ularga ikkinchi imkoniyatni taqdim etsa, bu safar ularning taqdiri qanday kechardi? Ularning muhabbati yakuni baxtga eltarmikan? Bu savollarga javob yangi videoda. Lolaning "Jonim ayt” deya qilgan nolasiga Bobur Yo‘ldoshev qanday javob berar ekan? Anglaganingizdek, Lolaning "Jonim ayt” nomli taronasiga videoklip syujeti haqida gap bormoqda.

Yodgor Nosirov tomonidan suratga olingan video tez kunlarda tayyor holga keladi.

Sizni va bizni o‘ylantirayotgan ko‘plab savollarga javob aynan shu klipda ekanligi ma’lum qilindi.

Muhabbat deya atalmish nozik va beg‘ubor tuyg‘u Lola va Bobur Yo‘ldoshevning taqdirini qay darajada o‘zgartirishi  biz uchun ham javobsiz qoldi...