Nufuzli universitet talabalari tashabbusi bilan uchinchi bora o‘tkazilayotgan musiqiy kecha! Gohida musiqiy tabdirlarning kichigi ham yirigidan ham qiziqarliroq bo‘lishi mumkin. mo‘’jaz sahnalarda iqtidorlilarga berilgan imkon esa kelajakda o‘z mevasini beradi. kuylovchi iste’dodlar faqat onservatoriya yoxud madaniyat va san’at oliy dargohlarida topiladi deb o‘ylaysizmi? adashasiz! quyidagi ma’lumot fikrimizning kichik dalili.

sardor yo‘ldoshev, vestministr universiteti 3-kurs talabasi, tadbir tashkilotchilaridan biri:

-bu tadbirni uchinchi bora o‘tkazyapmiz. vestministr universiteti va litseyining iqtidorli yoshlari ishtirok etadi. 23-mart kuni bo‘lib o‘tajak tadbirga universitetimiz sobiq talabasi lolani hamda yana ko‘plab mashhur san’atkorlarni taklif etganmiz. munis, iroda dilroz, zoya soy, mansur toshmatov kabilar ham ishtirok etib, g‘oliblarni qutlaydi. ko‘plab yoshlarimizda kuylashga moyillik katta. shu boisdan o‘z iqtidorimizni o‘zimiz namoyon etamiz. bu yoshlarimiz hayotiga yorqinlik baxsh etishiga ishonamiz. eng qizig‘i, bu gal yuqori o‘rinlarni zabt etganlarga qimmatbaho sovg‘alar ham ulashiladi.

tadbir tafsilotlariga navro‘z tantanalari va ruhiyati davom etajak kunlarda to‘xtalamiz.

FOTO-HAZIL. DAVRON MUQIMOV: «QAYSI JURNALIST SEVIMLI LOLAGULIMIZNI TANQID QILSA, MANA ShU KIChIK GURZI ILA BOShIGA BIR URAMIZ!”