Taniqli aktyor Shuhrat Nuraliev og‘ir xastalikdan tobi qochgani uchun shifoxonaga yotqizildi. Bu haqda tahririyatimizning ishonchli manbalari xabar bermoqda.

Ma’lum bo‘lishicha, Nuraliev bir necha yillardan buyon qandli diabet kasalligi bilan og‘rib kelgan. Bir necha kun avval uning tobi qochib, shifoxonaga yotqizilgan. Ayni damda aktyor shifoxonaning jonlantirish bo‘limida. Mutaxasislarning ta’kidlashicha, aktyorning ahvoli juda og‘ir.

Ma’lumot uchun, Shuhrat Nuraliev "Osmondagi bolalar", "Zarb", "Ulfatlar 2", "Sodda qiz" kabi 10 dan ortiq filmlarda rol ijro etgan. U 8 yil mobaynida O‘zbek milliy akademik drama teatrida faoliyat yuritgan.

1980 yilda tavallud topgan Nuralievning ikki qizi va bir o‘g‘li bor.

Shuhrat Nuralievning vafot etgani to‘g‘risida "Kun.uz" internet nashri tarqatgan xabar tasdig‘ini topgani yo‘q. Aktyor tirik, yaqinlari OAVlardan tarqatilayotgan xabarlarga jiddiy e’tibor qaratib, xabarning to‘g‘riligini tekshirishlarini so‘rashmoqda.