Shohruhxon va Asalning to‘ylari boshqa restoranga ko‘chirildi
23-25 may kunlari “Istiqlol” san’at saroyida navbatdagi konsert dasturini taqdim etgan xonanda Shohruhxon va nihoyat aktrisa Asal Shodiyevga uylanayotgani haqida xabar bergan edik. Avval ma’lum qilganimizdek, Shohruhhon va Asal Shodiyevning to‘y oqshomlari 5 iyun kuni bo‘lib o‘tadi. Ayni damda to‘yga taklifnomalarni tarqatish bilan bog‘liq ishlar davom etmoqda. Taklifnomani olgan shou-biznes vakillari birin-ketib o‘zlariga tegishli taklifnomalarni suratga olib, ijtimoiy tarmoqlardagi shaxsiy sahifalariga joylashtirishyapti hamda Shohruhxon va Asalga baxt tilashmoqda.
Avvalgi xabarlarda Shohruhxon va Asalning to‘ylari Toshkentdagi “Versal” restoranida bo‘lib o‘tishi haqida aytgan bergan edik. “Qalampir.uz” saytining ishonchli manbalari yetkazgan ma’lumotlarga qaraganda, to‘y “Versal” restoranidan boshqa to‘yxonaga ko‘chirilgan. Taklifnomalarga nomi bitilgan restoran o‘rniga, boshqa to‘yxonaning nomi yozib chiqilyapti.
Garchi to‘y o‘tkaziladigan restoran bizga ayon bo‘lsada, uni oshkor eta olmaymiz. Shohruhxon va Asal to‘y kuni ularni ko‘pchilik muxlislar bezovta qilmasin, restoran atrofiga odamlar to‘planmasin deb shu qarorga kelishgandir, balki.
Fursatdan foydalanib, tahririyatimiz nomidan Shohruhxon va Asalga oilaviy baxt, ijodiy parvozlar tilab qolamiz.
Efir Sirlari - Soundtrack 5
Shohruhxon va Asalning to‘ylari boshqa restoranga ko‘chirildi 
