Sherzod Bin ota, Sitora Olimjonova esa ona bo‘lish arafasida
“Nihol” mukofoti sovrindorlari Oybek va Nigora “Oppog‘oy” nomli qo‘shig‘iga videoklip suratga oldirayotgani haqida avval ham xabar bergan edik. Va nihoyat mazkur klip muxlislar e’tiboriga taqdim etilyapti.
Xonanalar Oybek va Nigora o‘tgan yilning 21 noyabr kuni turmush qurishganidan xabaringiz bor. Shu kunlarda farzand kutayotgan ikki yosh navbatdagi klipida ham aynan o‘zlarini tasvirlashga urinishgan. Unda bosh rollarni aktyor Sherzod Bin (Saydialiev) va aktrisa Sitora Olimjonova ijro etishgan. Klipni esa iste’dodli rejissyor Yoxan suratga olgan.
10 yillik ijodiy faoliyatga ega bo‘lgan Oybek va Nigoraning repertuarida xit qo‘shiqlar qancha ko‘p bo‘lsa, arzongarov, sifati unchalik yaxshi bo‘lmagan kliplar ham talaygina. Buni xonandalarning o‘zi ham tan oladi. Biroq uning “Oppog‘oy” nomli yangi qo‘shig‘iga ishlangan videoklipi avvalgilaridan ancha farq qiladi. Klip syujeti tomoshabinlarni befarq qoldirmasligi va bir ko‘rishdayoq manzur kelishi aniq. U tomoshabinga yuqori kayfiyat ulasha oladi. Bunda esa aktyorlarning xizmati katta.
“Ming marta gapirgandan, bir marta ko‘rgan afzal”, deganlaridek klipni tomosha qilib, o‘z fikringizni izohlarda qoldiring.
Sherzod Bin ota, Sitora Olimjonova esa ona bo‘lish arafasida 
