Ruslan Chagaev birinchi raunddayoq raqibini nokautga uchratdi
Superog‘ir vazn toifasining WBA (Regular) versiyasi kamari sohibi o‘zbekistonlik Ruslan Chagaev (33-2-1, 20 KO) Germaniyaning Magdeburg shahrida Franchesko Pianetta (31-1-1, 17 KO) bilan jang olib borib, birinchi raundning o‘zidayoq raqibini ikki marotaba nokdaun holatiga tushirib g‘alaba qozondi.
Chagaev ikki marta chap qo‘li bilan aniq zarba berdi va raqibini uzil-kesil ringga qulatdi. Shundan so‘ng jang to‘xtatildi.
Shu tariqa Ruslan Chagaev Superog‘ir vazn toifasining WBA (Regular) versiyasi kamarini munosib ravishda himoya qildi.
Ruslan Chagaev birinchi raunddayoq raqibini nokautga uchratdi 
