O‘zbekistonda xizmat ko‘rsatgan artist Rayhon G‘aniyev fevral oyida bo‘lib o‘tadigan yakkaxon konsert dasturiga katta tayyorgarlik ko‘rmoqda. Yangi g‘oyalar, qo‘shiqlar ustida ishlamoqda. Yaqin kunlarda xalqimiz hukmiga havola etiladigan "Tomchi" taronasi ham shular jumlasidandir. Rayhonga bu qo‘shiq juda ham manzur bo‘lgan va muxlislariga ham maqul kelishidan umidvor. Kompozisiyani Jasur Badalboyev va uning jamoasi bilan birga yaratgan.  Kompozitor Jasur Badalboyevning ma’lumotlariga qaraganda, ular konsert uchun Rayhon bilan birga 6 ta yangi qo‘shiq yozib tugatishgan. Ushbu  qo‘shiqlar birin ketin premera qilinishi ko‘zda tutilgan. Kompozisiyalar Jasur Badalboyev, Shaxboz Nosirjonov, Zuhriddin Meliev, Feruz Abdullaev va Hamdam Sobirov bilan hamkorlikda yaratilgan.