Qisqa fursatda tinglovchilar e’tiborini qozongan tarona
May oyida o‘tkaziladigan “Har kuning ulug‘ ne’mat” nomli konsert dasturiga katta tayyorgarlik olib borayotgan xonanda, O‘zbekistonda xizmat ko‘rsatgan artist Sardor Rahimxonning bir necha kun oldin taqdim etgan “Faridam” qo‘shig‘i muxlislar orasida qisqa fursatda ommalashishga ulgurdi.
“Omon-omon” taronasi hali hamon xit taronalar qatorida turganiga qaramay, “Faridam” qo‘shig‘i ham tinglovchilar qalbiga kirib bormoqda. Barchaga manzur bo‘layotgan mazkur tarona nafaqat xalqimizga, balki, qo‘shiq bag‘ishlangan muxlisa uchun ham ajoyib tuhfa bo‘ldi. Siz bu taronani tinglashga ulgurdingizmi? Unda o‘z fikrlaringizni bildiring. Hali tinglamaganlar bo‘lsa, unda kompozisiyani hoziroq tinglab, baho bering.
Eslatib o‘tamiz, tez kunda “Faridam” qo‘shig‘iga ishlangan videoklip omma e’tiboriga saytimiz orqali havola etiladi.
Qisqa fursatda tinglovchilar e’tiborini qozongan tarona 
