O'zbek estradasining mega-yulduzi Sardor Rahimxon 2011 yilning muvaffaqiyatlaridan so'ng, 2012 yilni undan ham omadli bo'lishi harakatida ijodni boshlab yubordi. O'zining yuqori didi, sifatli kliplari hamda orginal taronalari bilan har doim ajralib turgan Sardor bu gal ham muxlislarni lol qoldirdi.  Yangi yil kechasida "Yoshlar" teleradiokanalining yangi yil bazmida kuylagan "Mohitabonim" taronasini kuylashi bilanoq ushbu tarona muxlislar og'ziga tushdi. Eng qizig'i bu qo'shiq hali hech qayerda yo'q. Bunaqasi hali bo'lmagandi. Odatda qo'shiq dastlab radiolarda yangrar, so'ngra biroz vaqt o'tib qo'shiqning klipi xalq e'tiboriga havola etilardi. Demak, va nihoyat premyera! Bugun "Mohitabonim" taronasining premyerasi. Qolaversa, "Mohitabonim" qo'shig'iga "Nima uchun" klipi bilan Yilning eng yaxshi klipmeykeri degan nomga ega bo'lgan Narimon Sultonxo'jaev tomonidan klip suratga olinayotgani ham ma'lum. Yaqin kunlada ushbu klipga oid batafsil ma'lumotlar bilan o'rtoqlashamiz.

TARONANI KO'CHIRIB OLISH