Ozodbek Nazarbekovga talab hanuz o‘z kuchida. Yangi qo‘shiq yaratayotgani yo‘q, yangi klipdan ham darak yo‘q. Biroq, ijodiga bo‘lgan qiziqish hamon o‘sha. Xonanda bir necha kunlar oldin Andijon shahridagi "Sofiya” restoranida yakkaxon konsertini taqdi etdi. Chiptalar 100 000 so‘mdan bo‘lishiga qaramay (bunday narxlar viloyatda o‘z ta’siriga ega), restoranni 350 tomoshabin to‘ldirdi! Asosan, ayollar va onaxonlardan iborat konsert qanday o‘tishi mumkin? To‘g‘ri topdingiz, juda hissiyotga boy bo‘ladi. Ozodbek dard bilan kuylasa, ular ko‘zyosh qilishdi, sho‘xrog‘idan kuylasa, davrani to‘ldirib raqsga tushishdi. Mana shunaqa gaplar.