Olmaliqdagi uylardan birida zaharli ilon topildi, deb xabar bermoqda FVV matbuot xizmati.

Xabarda aytilishicha, joriy yilning 20 avgust kuni soat 16:30da Olmaliq shahar Favqulodda vaziyatlar bo‘limi tezkor navbatchisiga fuqaro N.J tomonidan uyida ilon ko‘rganligi to‘g‘risida ma’lumot kelib tushgan.

Ilon chaqishining oldini olish maqsadida navbatchi guruh qutqaruvchilari zudlik bilan voqea joyiga etib borishgan.

Xabarda fuqaroning uyidan inson hayotiga xavf soluvchi ilon topilgani va aholi punktidan uzoqroq bo‘lgan joyga qo‘yib yuborilgani aytilmoqda.

Xonadon egalariga mutaxassislar tomonidan psixologik yordam ko‘rsatilib, zaruriy tavsiyalar berilgan.