Microsoft компанияси Apple ишлаб чиқараётган iPad планшетлари учун Word, Excel  ҳамда бошқа маҳсулотлар иловасини жорий йилнинг биринчи ярмида тақдим этади. 

Бу ҳақда ZDNet нашри АҚШ матбуотида Microsoft маҳсулотлари бўйича мутахассис ҳисобланган Мэри Жо Фолининг маълумотига таяниб хабар бермоқда.  

Унинг сўзларига кўра, Ipad учун мўлжалланган Office "Miramar” деб номланади. Тахминларга кўра, бу иловадан фойдаланиш учун "Office 365”га обуна бўлиш шарт.

Ўтган йилнинг ёзида iPhone’лар учун тақдим этилган иловадан фойдаланиш учун  обуна бўлиш шарт эди. Microsoft бош директори Стивен Балмер энди компания эътиборини Windows 8 ва Windows RT учун серсорли экранда бошқариладиган Office дастурини ишлаб чиқаришга қаратишини айтиб ўтди.