Amerikalik mashhur pop-xonanda, aktrisa, qo‘shiqlar muallifi va prodyuser Madonna bugun 59 yoshga kirdi, deb xabar berdi Vesti.ru nashri.

U mazkur yo‘nalishda mashhurlikka erishgan ilk musiqachi ayoldir. Xonandaning to‘liq ismi-sharifi — Madonna Luiza Veronika Chikkonedir. U 90 yillarda kinoda turli obrazlarni yaratdi. Madonna mashhur — “To‘rt xona”, “Evita”, “Haqiqiy do‘st” kabi filmlarda turli obrazlarda namoyon bo‘lgan. Shu bilan birga aktrisa “Jeyms Bond” serialida qilichbozlik bo‘yicha murabbiy rolini o‘ynagan. Madonna o‘zini rejissyorlikda ham sinab ko‘rgan.

Madonna ikki marotaba turmushga chiqqan, u ilk marotaba aktyor va rejissyor Shon Pennga, ikkinchi marta esa Gay Richiga turmushga chiqqan. Xonandaning to‘rt farzandi bor, ularning ikki nafari asrandi bolalardir.

Tanqidchilar xonandani janjalkashlikda, axloq-odob qoidalariga rioya qilmaslikda ayblaganlariga qaramay, bu Madonnaning muxlislari sonining kamayishiga ta’sir qilolmadi. Madonnaning muxlislari uning konsertiga borishni, ijtimoiy tarmoqlar orqali hayotini kuzatishni bir nafasga bo‘lsa-da, to‘xtatmaydi. Facebook sahifasining o‘zida xonandaning 18 milliondan ortiq kuzatuvchisi mavjud.