Estradamiz yulduzlari bir nechta qo‘shni va chet  davlatlarda  o‘zlarining konsert dasturini ketma ket namoyish etib kelishmoqda. Jumladan Qirg‘iziston, Qozog‘iston, Tojikiston, Rossiya davlatlarida, shuningdek AQShda o‘zbek estrada yulduzlari gastrol safarlarini uyushtirishmoqda. Xabaringiz bor, so‘nggi kunlarda xonandalarimizga bo‘lgan talab Tojikistonda juda ham oshgan. Shaxzoda, Jaxongir Poziljonov, Ulug‘bek Rahmatullaev, Sardor Raximxon bu mamlakatda mehmon bo‘lishgan edi. Endi esa Lola Tojikiston bo‘ylab o‘z konsertini namoyish qiladi. 5 oktyabrdan 10 oktyabrgacha davom etadigan konsert mamlakatning bir nechta shaharlarida o‘tkaziladi.