Ispaniya chempionatining 13-turida “Eybar” klubi mehmoni bo‘lgan “Real” jamoasi 2:0 hisobida zafar quchdi, deb xabar qiladi “Uff.uz”.
Uchrashuvning 82-daqiqasida Krishtianu Ronaldu penaltidan gol kiritib, g‘alabaga munosib hissa qo‘shdi. Bu gol portugaliyalik futbolchi uchun alohida o‘ringa ega bo‘ldi.
Chunki Ronaldu “Eybar” darvozasiga faoliyatidagi 100-penaltisini (o‘yindan keyingi penaltilar seriyasini ham qo‘shib hisoblaganda) tepdi va uni golga aylantirdi. Shu kungacha Krishtianu 86 marotaba 11 metrli jarima zarbasini gol bilan tugata olgan.
Joriy mavsumda Ronaldu 13 ta o‘yinda 9 marotaba gol kiritdi. Shundan 2 tasini penalti orqali yo‘lladi.
Krishtianu Ronaldu faoliyatidagi 100-penaltini tepdi 
