Kuni kecha «Mardi maydon!» jonli ijrodagi qo‘shiqlar festivalining navbatdagi konserti bo‘lib. Konservatoriya sahnasi  jonli ijroda kuylashiga ishongan yangi iste’dodlar uchun yana yangi maydon, mardi maydon bo‘ldi. Bu galgi konsertda 2 ta an’anaviy ijrochilik, 7 ta estrada yo‘nalishida ijod qilayotgan yoshlar o‘z iste’dodlarini namoyish etishdi. Tadbirni yanada qizitish uchun mehmon san’atkorlar Amira Alimbekova, Ruxshona, Shahzodalar ham jonli  kuylab, tanilishga hali ulgurmagan biroq, uncha-munchadan ijro mahorati bilan qolishmaydigan festival ishtirokchilari qatori kutilmagan olqishlarga sazavor bo‘lishdi. Festivalning eng ahamiyatli jihati shundaki, eng yaxshi ijrochilar daavlat tadbirlarida ishtirok etishlari uchun tavsiya etiladi hamda yangi qo‘shiqlarini yaratish uchun moliyaviy rag‘batlantiradi. Tadbir davomida eng faol OAVlari ham e’tibordan chetda qolmadi. Madaniy hayotimizni xolis va tezkorlik bilan yoritib kelayotgan qator nashrlar esdalik sovg‘alar bilan taqdirlandi. Ular orasida UzA axborot agentligi, «Xalq so‘zi” va "O‘zbeekiston adabiyoti va san’ati” gazetalarining jonkuyar jurnalistlari bor. www.tarona.net sayti esa estrada birlashmasiningmaxsus diplomiga loyiq topildi.

"TAMANNOZI" JONLI IJRODA YaNGRADI. ShAHZODAN JONLI TINGLASh KO‘PChILIKKA MAROQLI TUYULDI!

RUXSHONA HAM JONLI IJRODAGI OVOZI ShAHZODAN HAM HECh QOLIShMASLIGINI ISBOT ETDI!