Qisqa fursat ichida xalqimiz nazariga tushib, ko‘plab yutuqlarga erishgan xonanda Jasur G‘oipovdan yangilik. Bir muddat ijodiy tanaffusda bo‘lgan Jasur G‘oipov bugun navbatdagi ijod namunasini muxlislar hukmiga havola etmoqda. Bu allaqachon tinglovchilarning sevimli qo‘shig‘iga aylanib ulgurgan “Sensiz” kompozisiyasining remiks turi bo‘lib, talab va istaklarga binoan ishlangan.
Mazkur musiqiy asar “Benom” guruhi vakillari Sarvar va Komil bilan hamkorlikda yozilgan edi. Yangicha turini yaratishda esa Jasur G‘oipov “Benom Media” jamoasi hamda Dj Joha bilan hamkorlik qildi. Bu hali hammasi emas. Xonanda ayni damda bir qator yangi qo‘shiq va videokliplar ustida ish olib bormoqda. Tez kunda navbatdagi kompozisiyasiga klip suratga olish ishlari boshlab yuboriladi. Hozirda uning g‘oyasi ustida Jasur G‘oipov va uning ijodiy jamoasi bosh qotirmoqda.
Demak, tez kunda sevimli xonandangizdan yangi ijod mahsullarini kutib qoling. Bizdan aslo yiroqlashmagan holda Jasur G‘oipov ijrosidagi “Sensiz” taronasining yangicha talqinini tinglang va baho bering.
Jasur G‘oipovning “Sensiz”i yangi talqinda 
