Тил билган эл билади! Инсоният қалбини нима билан маҳв этиш мумкин? Албатта, жаҳон тилидаги қўшиқлар орқали диллашиш билан!  Оригинал мусиқа, инглиз тилидаги мукаммал ижро, сеҳрли овоз мана шундай сирли воқеани содир этди! Гугушанинг дунё мусиқаси учун тақдим этаётган янги альбоми катта шов-шувларга сабаб бўлмоқда! Ахир, дунё юлдузлари ҳам бир неча альбом билан машҳурликка амал-тақал қилиб эришган бўлса, бу аёлнинг дебют альбоми катта муваффақиятдан тож кийишга улгурди. Асосий сабаб, арзигулик меҳнатлар самараси! Гугуша янги альбомининг устида тинмай тер ҳар бир қўшиғидан сезилиб туради. Энг қойил қоларлиси, ўзбек истеъдодининг  мутлақ соф инглиз тилидаги ижроси! Балки, дунё мусиқа продюсерлари ҳам бу янги альбомга айнан шу жиҳати билан боғланиб қолгандир?! Альбомни тинглар эканмиз, "Battle of Life”га эса аллақачон мухлис бўлишга улгурдик. (Аслида Санъат ҳафталигида мода намойишида попуррида тақдим этилган ушбу тарона қалбларга аллақачон кўприк қўя олганди.) "How dare”даги кескинлик, "Wake up”даги сокинлик "I`m Alive”даги ботинийлик сиз боғланиб қолган одатий, бир хил қобиғингизни парчалар, ғайритабиий оламга ошно этади!

Тез кунларда АҚШ, Осиё, Россия ва Европа мамлакатларда кенг оммага тақдим этилажак бу мусиқий альбомда Googooshaнинг барча қўшиқлари инглиз тилида бўлиб, ҳаммаси муаллифлик тароналари ҳисобланади.  Айни пайтда хит  бўлишга улгурган Round Run  аранжировкаси  (ремикси) устида Лэди Гага билан ҳамкорлик қилган таниқли DJ White Shadow ишлади. Энг қизиғи, ушбу ремикс "океан орти мамлакати”нинг юзлаб тунги клубларида бош рақсбоп таронага айланди! Dj Dave Aude, Dj Abel Aguilera, DJ Tom Boxer, DJ Ropero, Dj Dan DeLeon, Dj Mike Scott ва Jamie Sanchez каби дунёнинг машҳур ди-джейлари эса "Round Run”ни ўзларининг трек тармоқларига ҳам киритишгани  таронанинг нақадар таъсир доираси ортиб бораётгганидан дарак!

Альбом ижодкорга дунё миқёсида катта шуҳрат олиб келишига шубҳа йўқ!  У қўшиқлари орқали сизга илинади. Меҳр билан, илҳақлик билан...Бу GooGoosha!  Ёрқин, файласуфона қарашларга бой, кенг қиррали ижодкор. Қараб туринг, у ҳали Ер шаридаги мусиқа ихлосмандларининг энг эрка куйчисига айланади! Олға, GOOGOOSHA!

"ROUND RUN". Қўшиқлар рўйхати:

1. Night

2. How Dare

3. Wake Up

4. I Live

5. How To Fly

6. Superstar

7. Try Try Try

8. Round Run

9.  H.U.G.

10. Battle Of Life

11. I`m Alive

12. Inside Me

BONUS TRACK

13.  Round Run DJ White Shadow Remix

МАДОННАЮ БРИТНИ СПИРС УЧУН ҲАМ АЖОЙИБ ТУҲФА!

ДУНЁ ЮЛДУЗЛАРИ УШБУ АЛЬБОМНИ ТИНГЛАБ КЎРИШИГА ҲЕЧ ШУБҲА ЙЎҚ. АЛЬБОМНИ ТИНГЛАР ЭКАНСИЗ, СИЗ ҲАМ ШУНДАЙ ҲУЛОСАГА КЕЛАСИЗ. ГУГУШАНИНГ БЕТАКРОР ОВОЗИ ВА ҚЎШИҚЛАРИНИ МАШҲУР ЮЛДУЗЛАР ИЖОДИ БИЛАН СОЛИШТИРИШГА ТУШИШИНГИЗ АНИҚ!

БУ КЕТИШДА УНИНГ ИЖОДИ ШАРҚУ ҒАРБГА, ШИМОЛУ ЖАНУБГА БИРДЕК ТАРАЛАДИ!