"Begim” deya barchaning ko‘ngliga kirib borgan latofatli xonanda Dilso‘zning ijodi xozirgi kunda diqqat markazda ekanligi sir emas. Chinakam ma’noda jozibali ovoz sohibasining navbatdagi qo‘shig‘i qanday chiqishi ko‘pchilik uchun qiziq. Har holda "Begim” taronasi asrlarga tatigulik hit bo‘lgani Dilso‘zning katta yutug‘i bo‘lish bilan birga uning zimmasiga juda katta ma’suliyat ham yuklaydi. "Ohlarim mani” bu Dilso‘zning navbatdagi qo‘shig‘i. Nodir Azimov so‘zi, Iqbol Muhammad musiqasi hamda Otabek Qambaraliev aranjirovkasi bilan ijro etilayotgan bu xonish yaqin kunlarda G‘M to‘lqinlarida jarang sochadi. Hozircha klip haqida biron bir ma’lumot yo‘q, biroq bu klipni ham "Begim” klipini mohirona suratga olgan Mirmaqsud Oxunov hamda Rustam Murodovlarga ishonishsa kerak. Yana bir yangilik "Mardu maydon” jonli ijro festivalining navbatdagi konsertida talablarga binoan Dilso‘z xam ishtrok etishi ma’lum bo‘ldi. Bu xaqdagi batafsil ma’lumotlar esa biroz keyinroq. Hozircha, Dilso‘zning "ohlari”ni kutamiz.