Yaqinda Alisher Navoiy nomidagi kinosaroyida "Hay-hay qizaloq” nomli yangi film premerasi bo‘lib o‘tdi.  Premeraga tashrif buyurganlar film ijodkorlari sahnaga chiqishini intiqlik bilan kutayotgandi. Kutilmaganda, sahna chekkasiga yig‘ilgan aktyorlar jamoasi tomondan kimningdir baqirgan ovozi eshitildi. Yig‘ilganlarning e’tibori o‘sha tarafga qaratildi. Tomoshabinlar orasida "Aktrisa xushidan ketdi!”, "Unga hujum qilishdi!”, "Nega yig‘layapti?” kabi gap-so‘zlar paydo bo‘ldi. Aktrisa Asal Shodiyevning ko‘zlariga noma’lum shaxs tomonidan sepilgan kimyoviy modda uning sahnaga chiqishiga to‘siq bo‘ldi. Og‘riq ta’siridanmi yoki kutilmagan noxushlikdanmi, qichqirib yuborgan aktrisa sahnaga chiqa olmadi. Aktrisa o‘sha ondayoq onasi bilan shifokorlar huzuriga borgan. Baxtiga aktrisaningko‘ziga ziyon yetmadi. Hozir aktrisa o‘zini juda yaxshi his etmoqda.

 Nahotki, o‘z rollari bilan muxlislar ko‘nglidan joy olgan aktrisaning dushmanlari bo‘lsa?!