Business Women Gap loyihasi doirasida internet orqali mahsulot sotish bo‘yicha dunyodagi eng yirik kompaniyalardan biri —Amazon xodimi maxsus mehmon sifatida ishtirok etishi kutilmoqda. Bu haqda “Spot.uz” xabar berdi.

13-yanvar kuni Toshkent shahridagi Ground Zero kovorking markazida bo‘lib o‘tadigan uchrashuvda kompaniya vakili global bozorlarga chiqish va Amazon, eBay, Alibaba orqali savdo qilish haqida gapirib beradi.

Tadbirga Smart Gov Consulting kompaniyasi ijrochi direktori, davlat sektoriga innovatsiyalar bo‘yicha ekspert Aziza Umarova moderatorlik qiladi. Ro‘yxatga olish 8-yanvardan boshlanadi.