Estrada olamida anchadan buyon ijod qilib kelayotgan bo'lsada, hozirda barini boshidan yakkaxon ravishda boshlagan Zamzama yangidan yangi rejalar ustida bosh qotirmoqda. Uning rejalariga yangi qo'shiq kuylash va klip suratga tushirish bilan birga, duet tarona ijro etish ham kiritib qo'yilgan. Xo'sh, Zamzamaning duetdoshi kim ekan? Biz bu haqida bilish uchun Zamzama va uning administratoriga murojaat qildik. Biroq, Charos ham, Zamzama ham bu haqida hozircha hech qanday ma'lumot bermasliklarini aytib o'tishdi. Biroq, Zamzama yaqin kunlarda bir yo'la 3-qo'shig'iga klip suratga tushirishni maqsad qilib qo'ygan. Demak, oldinda bizni Zamzamadan ajoyib yangiliklar yog'dusi kutib turibdi.