O‘zbekiston xalq artisti Yulduz Usmonova doimgidek qizg‘in ijod bilan band. Xonanda ayni damda noyabr oyida Rossiyaning bir nechta shahrida va Nyu Yorkda bo‘lib o‘tishi rejalashtirilgan konsert dasturiga tayyorgarlik ko‘rish bilan birga yangi qo‘shiq va kliplar ustida ham ishdamoqda. Shu kunlarda "Tarolla dalli" qo‘shig‘i uchun tasvirga olinayotgan klip so‘zimizning yaqqol isboti bo‘la oladi. Klipmeyker Jonred Sagdiev rejissyorligida yaratilayotgan video asar trek va syujetdan iborat. Klipning trek qismi poytaxtimiz markazida joylashgan Toshkent Siti majmuasida suratga tushirildi. Ma’lumotlarga qaraganda eng qisqa vaqt ichida ushbu klipni namoyish qilish ko‘zda tutilgan.