Toshkent shahrida “Mersedes-Benz” rusumli avtobuslarning yonib ketishiga asosan elektr simlarining qisqa tutashuvi sabab bo‘lmoqda, deb yozmoqda “Oila davrasida” nashri.
“Toshshahartransxizmat” shirkati bo‘lim boshlig‘i Muxtor Alievning ma’lum qilishicha, Germaniyaning “Evo Bus GmbX” shirkatidan sotib olingan “Mersedes-Benz Sonecto O 345” rusumli avtobuslarning 12 yil ichida tasarruf etilishi oqibatida elektr simlari plastik qobig‘i nosoz holga kelgan.
Nashrning yozishicha, harakat payti yonib ketayotgan, nisbatan yangi sanalgan “Mersedes-Benz Low Floor” avtobuslari kamchiliklarini bartaraf etish yuzasidan esa Germaniyaga shirkatiga reklamatsiya xatlari jo‘natilgan. Yong‘inlarning oldini olish bo‘yicha choralar ko‘rilayotgani sabab transport tarkibini almashtirish – boshqa rusumli avtobuslar cotib olish rejalashtirilmagan.
Yonayotgan avtobuslar yuzasidan izoh berildi 
