Yoshlarning sevimli guruhi hisoblangan “Ummon” guruhi yigitlaridan biri Shohruh bugun, 24 oktabr kuni otalik baxtiga musharraf bo‘ldi.

Bu haqda ijodkorning o‘zi ijtimoiy tarmoq orqali xabar qildi. Ayollarning eng ko‘rkam vaqti hisoblanmish — homiladorlik vaqtida uyushtirilgan fotosessiya jarayonidan olingan fotosuratlarni joylagan Shohruh farzanddek ulug‘ ne’matni baxt sifatida taqdim etgan rafiqasi Azizaga minnatdorlik bildirgan.

Shohruh va Aziza oilasida dunyoga kelgan qizaloq umri bilan, rizqi bilan, xush qadamlari bilan kirib kelgani rost bo‘lsin. Kelajakda baxtli, taxtli qiz bo‘lsin! Umri uzoq bo‘lsin!

Eslatib o‘tamiz, “Ummon” guruhi vakili Shohruh 2016 yil 15 avgust kuni bo‘ydoqlik bilan xayrlashgan edi.

Durdona Rasulova