Агар кўпроқ ухлай бошласангиз ҳаётингиз қандай ўзгариши мумкин? Экспертлар нега камида 8 соат ухлаш кераклигининг 7 та сабабини келтиради.

-       Бу саломатлигингизни яхшилайди. Тадқиқотлар уйқусизлик юрак-қон томир касалликлари, диабет ва семиришга олиб келишини кўрсатмоқда.

-       Жинсий ҳаётингиз яхшиланади, чунки тўйиб ухламаслик эркаклардаги тестостерон даражасини камайтиради.

 -  Кайфиятингиз кўтарилади, чунки тўйиб ухламаслик одамнинг эмоционал ҳолатига салбий таъсир кўрсатади.

 -  Озишингиз мумкин. Одамдаги тўйиш ҳисси учун лептин гормони жавоб беради. Биз тўйиб ухламаганимизда, организмдаги лептин даражаси камаяди, бу эса кўпроқ овқат тановул қилишга олиб келади.

 -  Зеҳнингиз ўткирлашади. Тўйиб ухламаслик одамнинг когнитив функцияларини ва фикрни жамлаш қобилиятини тушириб юборади ҳамда қарорлар қабул қилишини қийинлаштиради.

 -  Хотирангиз яхшиланади. Агар фаромушхотир бўлиб қолганингизни ҳис қилсангиз, бунга тўйиб ухламаслик сабабчи бўлиши мумкин. Олимларнинг сўзларига кўра, тўйиб ухламаслик эслаб қолиш жараёнига тўсқинлик қилади.

 -  Иммунитетингиз мустаҳкамланади. Тадқиқот натижаларига кўра, агар суткасига 7 соат ва ундан кам ухласангиз, респиратор инфекцияларга қаршилик кўрсатиш қобилиятингиз деярли уч бараварга камаяди.