"Akfa-media" prodyuserlik markazi xonandasi Ruhshona va rus estradasining mashhur yulduzi Avraam Russoning mana bu birgalikda tushgan ajoyib fotosurati barchani lol qoldirishi aniq. Zero, hammaning fikri ularni nima bog'lab turibdi ekan, degan savol bilan band bo'ladi. Aslidachi...? Aslida, bu ikki xonanda birgalikda ajoyib duet tarona kuylashdi. Shahnoz so'zi va musiqasi, Jasur Abdurahmonov aranjirovkasi bilan kuylangan "Blagodaryu" taronasi "Tarona Records" ovoz yozish studiyasida bugun yozilgan. Ushbu qo'shiqqa bugunning o'zidayoq klip ham tasvirga tushirilmoqda. Klipni taniqli klip ustalari Mirmaqsud Oxunov hamda Rustam Murodov juftligi "Akfa-media" pavilionida suratga olmoqdalar. Ayni daqiqalarda ham klipni suratga olish ishlari davom etmoqda. Biz esa siz azizlarga eksklyuziv ravishda eng birinchilardan bo'lib, klipni tasvirga tushirish jarayonidagi eng sara fotosuratlarni havola qilishga tayyormiz. Marhamat, ushbu klip jarayonidagi eng sara fotosuratlarni kutib oling. Ertaga yana ajoyib fotosuratlarni sizlarga taqdim etishga harakat qilamiz. Klip suratga olish ishlari tonggi 5:00ga qadar davom etishi rejalashtirilgan. Avraam Russo esa Rossiyaga soat 7:00da uchib ketishi lozim.
Super duet!!! Ruhshona va Avraam Russo! 
