Sobiq “Setora”chilarning AQShdagi konserti bekor qilindi
Avvalroq, “Setora” guruhining sobiq xonandalari Feruza Latipova, Laylo Galiyeva, Kamila Xo‘jayeva AQShda konsert berishi haqida xabar bergan edik. O‘zbekiston Respublikasi mustaqilligining 25 yilligi munosabati bilan uyushtirilayotgan gastrol konsert dasturi 2-3 sentabr kunlari bo‘lib o‘tishi kerak edi. Biroq konsert noma’lum muddatga qoldirildi. Bu haqda xonanda Laylo Galiyeva ijtimoiy tarmoqlardagi shaxsiy sahifasi orqali xabar berdi.
“Se Tanho” (sobiq “Setora”) guruhi shu yilning 2 sentabr sanasida Amerikada yangi konsert dasturini taqdim etishi rejalashtirilgan edi. O‘zbekistondagi mashhur pop uchlik Bruklindagi “National” restoranida muxlislarga yangi dasturi bilan chiqish qilishlari kerak edi. Biroq ma’lum sabablarga ko‘ra, konsert dasturi boshqa muddatga qoldirildi. Muxlislardan uzr so‘ragan holda shuni ma’lum qilamizki, sotilgan chiptalar pullari o‘z egalariga qaytariladi. Shuningdek, konsertning yangi sanasi sahifamiz orqali kiyinroq ma’lum qilanadi.
Yuqoridagi holat uchun muxlislardan yana bir bor uzr so‘ragan holda bizni to‘g‘ri tushunishlarini so‘rab qolamiz”, deyiladi Laylo Galiyeva joylashtirgan xabarda.
O‘zbekistonda xizmat ko‘rsatgan artist Laylo Galiyevaning ma’lum qilishicha, konsert sentabr oyining boshqa kunida bo‘lishi mumkin.
Sobiq “Setora”chilarning AQShdagi konserti bekor qilindi 
