Shohruhxonning yangi klipi uning shaxsiy hayoti haqida...mi?
Bugun Shohruhxondan eksklyuziv ravishda yangi videoklipni qarshi oling! Bu shunchaki klip emas, bu xonandaning ichki olamini o‘zida aks ettirgan hikoyadir...
Aslida "Men seni sevaman" nomli tarona Shohruhxon ijodidagi eng romantik qo‘shiqlardan biri bo‘lib, ko‘plab sevishgan yuraklarning madhiyasiga aylangan. Bu qo‘shiq visol oqshomlarida ham yangrab, kelin va kuyov raqsi unga hamrohlik qilmoqda.
Bugun ana shu qo‘shiq uchun tayyorlangan klip saytimiz orqali e’tiboringizga havola etilmoqda. Uzoq kutilgan va ko‘plab sirlarni o‘zida mujassamlashtirgan video mutlaqo yangicha yo‘nalishda va yangicha ruhda tayyorlangan.
Timur Primqulov tomonidan suratga olingan klip aynan klipmeyker g‘oyasi asosida o‘zgacha tus oldi. Aslida yoz faslida tasvirga olingan video qahraton qish faslida taqdim etilmoqda.
Balki bu klipning muxlislarga taqdim etilishida Shohruhxonning shaxsiy hayotidagi yangiliklar ham sabab bo‘lgandir?! Klipda har bir tomoshabin o‘ziga yarasha xulosaga ega bo‘lishi, qiziqtirgan savoliga javob topishi tayin.
Klipni tomosha qila turib, muhabbatning qudrati fazo kabi cheksiz, ummon kabi sof ekanligiga yana bir bor amin bo‘lishingiz mumkin. Insonning qalbi va ichki hissiyotlari haqiqiy ma’noda o‘zgacha rakursda tasvirlangan klipni xoziroq tomosha qilish imkoniyatiga egasiz. KLIPNI KO'CHIRISH
Shohruhxonning yangi klipi uning shaxsiy hayoti haqida...mi? 
