Shohruhxonga taqlid qilayotgan navbatdagi muxlisi kim?
Ijtimoiy tarmoqlarda bundan bir necha oy oldin Shohruhhonga taqlid qilgan jajji muxlisini guvohi bo‘lgan edik. Endilikda uning yana bir ashaddiy muxlisi paydo bo‘ldi.
U xonandaning taronalarini shunday kuylaydiki, uning ovozidan Shohruhxonmi yoki boshqa insonmi ajratish juda mushkul. Tarqalgan videoroliklar haqida Shohruhxonning o‘zi qanday fikrda? Savolimizga javob olish uchun xonanda bilan bog‘landik. “Fikrim albatta ijobiy. Bu videorolikni ko‘rganimda, avvaliga hayron bo‘ldim. Haqiqatdan ham ovozi mening ovozimga juda o‘xshash. Bunday e’tibor menga juda yoqdi. Qo‘shiqlarimni sevib tinglab, hirgoyi qilgan bunday muxlislarimdan hurmat va e’tibor uchun minnatdorman va bundan juda xursandman” – deydi xonanda Shohruhxon.
Kimligini oshkor qilishni istamagan va xonandaga taqlid qilayotgan sirli muxlisning asl maqsadi nima? Bu bizga ayon emas. Biroq, u o‘zini Shohruhxonning ashaddiy muxlisi ekanini isbotladi.
Ayni damda yangi tarona va videokliplar ustida ish olib borayotgan xonanda tez kunda muxlislarini navbatdagi ijod mahsuli bilan xushnud etish arafasida. Bu haqida saytimizning keyingi yangiliklarida xabardor etamiz. Shunday ekan bizni kuzatishda davom eting.
Shohruhxonga taqlid qilayotgan navbatdagi muxlisi kim? 
