Estradamizning yorqin yulduzi Shohruhxon shu oyning so‘nggida bo‘lib o‘tadigan yakkaxon konsert dasturiga tayyorgarlik ishlarini boshlab yuborgan. Ayni damda xonanda ijodiy jamoasi bilan muxlislar uchun konsertda taqdim etiladigan tuhfalar ustida ishlamoqda. Shu bilan birga u “Darak yo‘q” nomli yangi qo‘shig‘iga videoklip tasvirga oldirdi.
Video asar so‘nggi kunlarda san’at olamida taqdim etilayotgan ko‘pgina kliplarni suratga olayotgan iste’dodli klipmeyker Dilmurod Agzamov tomonidan suratga tushirildi. Tasvirchi Rustam Murodov.
Klip jarayoni Olmaliqda bo‘lib o‘tdi. Bu jarayondan xonandaning muxlislari ham bahramand bo‘lishdi. Shohruhxonning instagram ijtimoiy tarmog‘idagi sahifasida qoldirgan ma’lumotiga ko‘ra, uning Olmaliqda istiqomat qiluvchi muxlislari tog‘lar ortidan o‘tib, suratga olish maydonchasiga tashrif buyurishgan va xonandani qo‘llab-quvvatlab turishgan.
Mazkur klip tez kunda omma e’tiboriga havola etilishi ko‘zda tutilgan. Hozircha suratga tushirish jarayonidan taqdim etilgan fotosuratlarni tomosha qiling.
Shohruhxondan “Darak yo‘q” 
