Shou-biznes olamidagi eng sirli, shuningdek eng e’tiborni tortuvchi xonanda Shouhruhxon kuni kecha yangi videoklip suratga olish ishlarini yakunladi. Qiziqarli kechgan tasvirga olish jarayonidan e’tiboringizga fotoreportaj havola etmoqdamiz. Tez kunlarda saytimiz orqali premerasi bo‘lib o‘tadigan yangi video xonandaning "Komila" nomli taronasi uchun suratga olindi.
Klipmeyker Sarvar Isaev hamda operator Izzat Lutfullaev hamkorligida yaratilayotgan videoklip rejissyor, operator, xonanda va uning prodyuseri, ya’ni to‘rt kishining g‘oyasi asosidagi syujetni o‘z ichiga oladi.
Shohruhxonning har bir klipi o‘ziga xosligi va bir-biriga o‘xshamasligi bilan ajralib turadi. Buni inobatga olgan holda bu safar ham original syujet va professional guruh bilan ishlandi. Videoklipda Shohruhxonni ikki xil obrazda ko‘rishingiz mumkin bo‘ladi. Xonanda muxlislarini yana nimalar bilan lol qoldirishini esa klipni tomosha qilgach bilib olasiz.
Oldinda bir necha kunlik montaj ishlari tugab, klip tayyor holga kelgach, birinchilardan bo‘lib saytimiz orqali tomosha qilasiz. O‘tkazib yubormang!
Shohruhhxon yana Noananaviy klip tayyorlamoqda 
