O`zbek Milliy akademik drama teatri aktrisasi, teletomoshabinlarga esa kinodagi salbiy rollari bilan tanilgan Shodiya To`xtaeva “Qisqa va lo`nda” loyihasi mehmoni...
Mavsum yangiligi
"Sadoqat" filmida bosh rolni ijro etyapman. Men yaratayotgan obraz juda dardli, o`z farzandidan ayrilgan ayol holatini ochib berishim kerak. Dramatik serialdagi ushbu rolimni tomoshabinlar munosib baholashadi, deb o`ylayman. Bundan tashqari Pokiston davlati kino ijodkorlari tomonidan suratga olingan "Uyimdagi begona" serialining dublyaj jarayonlari bilan ham bandmiz. Tez kunlarda uni ham tomosha qilishingiz mumkin.
Jahlim chiqqanda
Inson har qanday vaziyatda o`zini tuta bilish kerak. Bu har kimning o`zi uchun foydali. Masalan, men hech qachon jahlimni birovga ko`rsatmayman. Doim tilimni tishlab, ortiqcha gapirmaslikka harakat qilaman.
Fobiya
Hashoratlardan juda qo`rqaman. Ayniqsa, o`rgimchaklardan. Mana sirimdan bugun hamma habardor bo`ldi.
Stil
Men klassik uslubda kiyinishni ma`qul ko`raman. Dam olish yoki sayyohatga otlanganimdagina sport uslubiga murojaat etishim mumkin.
Oila
Oila mavzusida ko`p gapirishni yoqtirmyaman. Biroq bugungi loyiha bundan mustasno. Ikki yoshdan oshgan Maryamxon ismli qizim bor. Juda aqlli, zukko, ziyrak. Nutqi ravon. O`zbek va rus tilida yigirmagacha sanashni biladi. Ayni vaqtda bola tarbiyasi bilan band bo`lganim uchun teatrdan ta`tilga chiqqanman. Tez kunlarda albatta ishga qaytaman.
Yoqtirmaganim
Ko`cha-kuyda, turli tadbir va yig`ilishlarda odobsiz insonlarni ko`rsam jahlim chiqadi. Undaylarni ajratib olish qiyinmas, ular omma oldida o`zini noto`g`ri tutib, qanday insonligini bildirib qo`yishadi.
Kitob
Kitob mutolaa qilishni juda yaxshi ko`raman. Kitob mening eng yaqin do`stim. Hech kim berolmagan eng yaxshi maslahatlarni u beradi. Tushkun kayfiyatdan chiqaradigan ham kitob.
Tushkunlik
Men uchun eng qo`rqinchli va hech qachon duch kelishni istamaydigan holatlardan biridir. Iloji boricha u holatdan tezroq chiqishga va kayfiyatimni ko`taradigan narsalar bilan shug`ulanishga, ko`proq yaxshi insonlar bilan suhbatlashishga harakat qilaman.
Xafa qilsam
Birovning ko`ngligini og`rita olmayman. Agar bilmay kimnidir xafa qilsam, albatta o`sha zahotini kechirim so`rmayman.
Mish-mish
Men baxtli san`atkorlardan biri bo`lsam kerak. Ijodimni boshlaganimdan buyon o`zim haqimda biror marta ham noo`rin va tuhmat gaplar eshitmaganman. Doim mish-mishlardan yiroqdaman. Agar mish- mishlarni eshitib qolsam ham, ularga e`tibor bermaslikka harakat qilaman. Chunki ulardan menga foyda yo`q.
Ishdagi Ishq - Песнка о погоде
Shodiya To`xtaeva: “Mish-mishlardan yiroqdaman” 
