Bu ikki ijodkor ham bugungi kunda san’at olamida ancha professional va minglab muxlislarning sevimli xonandalariga aylanib ulgurishgan. Maftunkor Shahzoda va Shohruhxon avvalgi duetdan ilhomlangan holda yana birgalikda yangi qo‘shiq yaratishdi.
Bu safargi duet "Unutolmadim" deya nomlanib, go‘zal tuyg‘u bo‘lgan sevgi-muhabbat mavzusi asosiy g‘oyasidir. Qiziqarli tomoni shuki, bu qo‘shiqning matnini Shohruhxonning muxlislari yozgan ekan. Musiqasini Shohruhxonning o‘zi bastalagan bo‘lib, aranjirovkasi doimiy hamkori Jasur Badalboyev tomonidan tayyorlangan.
Bu duet Shohruhxonning ertaga start oladigan va Shahzodaning may oyida o‘tkaziladigan konserti oldidan muxlislari uchun munosib tuhfa bo‘ladi. Qalbga yaqin satrlar va yoqimli ohang har qanday muxlisning yuragini zabt etishi aniq.
Minglab muxlislar tomonidan intiqib kutilgan duet "O‘zbegim Taronasi" radiosi orqali premera sifatida taqdim etildi. FM 101.00 to‘lqini tinglovchilari katta olqishlar bilan qarshi olgan duet taronaga bir ovozdan a’lo baho berishdi.
Ertaga, ya’ni 15-fevral kunidan boshlanadigan konsert dasturida Shahzoda ham ishtirok etishi kutilmoqda. Shahzoda estrada olamida erkak xonandalardan Shohruhxon ijodini hurmat qilishini alohida ta’kidlab o‘tgandi. O‘z navbatida Shahzodaning samimiyligi va ijodiy yutuqlari ham Shohruhxon uchun qadrli ekanligi sir emas.
Har ikkala xonandaning ham konsert dasturi a’lo o‘tishiga omad tilaymiz! Xozir esa Shahzoda va Shohruhxon ijrosidagi yangi "Unutolmadim" duetini tinglab, zavqlaning!
Qaxvaxona - soundtreck (Offical)
Shahzoda va Shohruhxondan Mega Premyera! 
