Qashqadaryo viloyatining Shahrisabz shahrida mudhish voqea yuz berdi. Joriy yilning 28 noyabr kuni Shahrisabzdagi 1-sonli ixtisoslashgan litseyning 7-sinf o‘quvchisi o‘z uyida osilgan holda topilgan.

O‘zbekiston Respublikasi Bosh prokuraturasidan olingan ma’lumotlarga qaraganda, haqiqatan ham Shahrisabzda shunday voqea ro‘y bergan va ayni damda tergov-surishtiruv ishlari olib borilmoqda.

Tarqalgan gap-so‘zlarga qaraganda, o‘quvchi o‘qituvchi tomonidan dakki berilgani oqibatida o‘z joniga qasd qilgan.

Marhum bolakay ushbu litseyda o‘qiydigan eng tartibli va a’lochi o‘quvchilardan biri bo‘lgani aytilmoqda.

Voqea tafsilotlarini tez orada taqdim etamiz.